ძიძა ბავშვის ცხოვრებაში
ბავშვის ცხოვრებაში მიჯაჭვულობის ჩამოყალიბებისთვის ერთ-ერთი ყველაზე მნიშვნელოვანი პერიოდი 1.5-დან 2 წლამდე ასაკში მოდის. ამ ეტაპზე ბავშვს უყალიბდება მყარი ემოციური კავშირი რამდენიმე მზრუნველ ზრდასრულთან.
ამ პროცესის საფუძველი ხდება ზრდასრულის ქცევა — ყურადღებიანი, სანდო და პროგნოზირებადი. თუ პატარა ძიძას ძალიან მიეჯაჭვა, ეს ნიშნავს, რომ ძიძა მას კარგად ექცევა და მის თვალში სანდო, მზრუნველ ფიგურად იქცა.
რადგან ბავშვს შეუძლია ძლიერი ემოციური კავშირი დაამყაროს რამდენიმე ადამიანთან, მისი მიჯაჭვულობა ძიძასთან მშობლებს არაფრით ემუქრება. მაგრამ მხოლოდ იმ შემთხვევაში, თუ თავად მშობლებსაც ასეთივე კონტაქტი აქვთ საკუთარ შვილთან.
იმისთვის, რომ მათსა და პატარას შორის ურთიერთობა მყარი და სანდო იყოს, მნიშვნელოვანია, მუდმივად (ყოველდღიურად) იყოთ მისი ცხოვრების ნაწილი და აიღოთ დღის განრიგიდან მინიმუმ ერთი მნიშვნელოვანი რიტუალი — საღამოს ბანაობა და დაძინება, ან დილის კვება — ასევე სიამოვნებით გაატაროთ პატარასთან მთელი ერთი ან ორივე დასვენების დღე.
მნიშვნელოვანია: გამორიცხოთ დანაშაულის გრძნობა და ეჭვიანობა! თუ პატარა ძიძასთან არის მიჯაჭვული, ეს იმას ნიშნავს, რომ მათ შორის ყველაფერი კარგადაა!
