შეიძლება თუ არა ყავის დალევა ორსულობის დროს?
ყავა და შოკოლადი ორსულობის დროს
ყავა და შოკოლადი ნამდვილად ღირს, რომ შეზღუდოთ, თუმცა გახსოვდეთ, რომ მათი სრულად გამორიცხვა არ არის სავალდებულო. თუ ეს საჭირო გახდება, მაგალითად, არტერიული წნევის მომატებული დონის გამო, ამას თქვენი ექიმი-გინეკოლოგი მიაქცევს ყურადღებას.
ყავას მასტიმულირებელი ეფექტი აქვს, ამიტომ დაიტოვეთ მხოლოდ დილის ერთი ფინჯანი. დღის სხვა დროს უმჯობესია გამოიყენოთ მწვანე ან მცენარეული ჩაი. ხოლო თუ სასმელად მორსს, კომპოტს ან ასკილის ნაყენს აირჩევთ, ეს თქვენს რაციონს C ვიტამინითაც გაამდიდრებს.
შეიძლება თუ არა ორსულობის დროს ვსვათ ვარდკაჭაჭა?
ყავასთან ყველაზე ახლოს გემოვნური თვისებებით არის ვარდკაჭაჭა ან ყავის სასმელი. ამ უკანასკნელის შემადგენლობაში შეიძლება შედიოდეს ჭვავი, ქერი, ვარდკაჭაჭა. ეს სასმელები არ შეიცავენ კოფეინს, სამაგიეროდ მათ შემადგენლობაში არის საკვები ბოჭკოები, რომლებიც ხელს უწყობენ ორგანიზმის გაწმენდას. რა თქმა უნდა, ნატურალური ყავის ჭეშმარიტი მოყვარულები ნაკლებად დაეთანხმებიან ამ სასმელების გემოს მსგავსებას.
თუმცა, უნდა გვესმოდეს, რომ, პირველ რიგში, ეს პერიოდი დროებითია და ძალიან მნიშვნელოვანია ბავშვის ჯანმრთელობის ფორმირებისთვის, მეორეც, ეს ჩვევის საკითხია. როგორც წესი, 1-2 კვირის შემდეგ ვარდკაჭაჭას გემო ჩვეული ხდება და დადებითად აღიქმება.
ასე რომ, პასუხი კითხვაზე: „შეიძლება თუ არა ორსულობის დროს ვარდკაჭაჭა?“ – უეჭველად დიახ!
შოკოლადის ალტერნატივები
რაც შეეხება შოკოლადს: გირჩევთ ის ნატურალური ტკბილეულით ჩაანაცვლოთ, მაგალითად, ჩირით (შავი ქლიავი, ფინიკი, ქიშმიში, გარგარის ჩირი), ახალი კენკრით, თაფლით, ნატურალური პასტილით და მარმელადით.
და მაინც გახსოვდეთ, რომ ტკბილეული ზომიერი რაოდენობით უნდა იყოს. წონის ზედმეტად დიდი მატება არც თქვენ გარგებთ და არც პატარას.
