ძუძუთი კვების უმტკივნეულოდ დასრულება სამი ეტაპისგან შედგება.
პირველ ეტაპზე დღისით მკერდზე მიდება უქმდება ისე, რომ რძეს პატარა იღებდეს დღის და ღამის ძილის წინ, ასევე ღამით. ეს ეტაპი შეიძლება ხანმოკლე იყოს, რადგან უკვე არსებობს ბავშვისთვის მიმზიდველი საკვების მრავალი ვარიანტი, რითაც მისი დაინტერესება და მკერდიდან ყურადღების გადატანა შეიძლება. როდესაც პატარა შეეჩვევა იმას, რომ დღისით წახემსება არ აქვს, შეიძლება შემდეგ ნაბიჯზე გადასვლა.
მეორე ეტაპი — დედის რძის სხვა რამით ჩანაცვლება დღის ძილის წინ. ამგვარად, ძუძუთი კვება რჩება მხოლოდ ღამის დასვენების წინ და ღამით. ამ ნაბიჯს შესაძლოა რამდენიმე კვირა დასჭირდეს და ძალისხმევას მოითხოვს, რომ ბავშვი მკერდის გარეშე დააძინოთ.
მესამე ეტაპი — ეს არის ძუძუთი კვებაზე უარის თქმა ღამის ძილის წინ, ღამის მიდებები ამასთან რჩება. სამი შვილის დედა, ფსიქოლოგი რეგინა რიბაკოვა გვირჩევს, ამ ეტაპზე მამა ჩავრთოთ. მას შეუძლია საკუთარ თავზე აიღოს პატარას საღამოს დაძინება, დედის მკერდის მისი ხელყოფისგან „იზოლირებით“. შემდეგ რჩება მხოლოდ იმ მომენტამდე ლოდინი, როდესაც ბავშვი თავად იტყვის უარს ღამის კვებაზე.
ასეთი სქემით ძუძუთი რძის რაოდენობა ბუნებრივად ნულდება, პატარა არ იტანჯება იმის გამო, რომ მას მკერდიდან აშორებენ. სრულ პროცესს შესაძლოა 3-4 თვე დასჭირდეს, და ეს ნორმალურია.
