არსებობს ზოგადად მიღებული ვაქცინაციის კალენდარი, რომლის მიხედვითაც, მშობლების თანხმობით, უკვე სამშობიაროში უტარებენ ბავშვს პირველ აცრებს.
სავალდებულოდ ითვლება აცრები:
- B ჰეპატიტის წინააღმდეგ
- ტუბერკულოზის წინააღმდეგ
- პოლიომიელიტის, ტეტანუსის, ყივანახველას, დიფტერიის წინააღმდეგ (ერთად კეთდება)
- წითელას, წითურას, ყბაყურას წინააღმდეგ (ერთად კეთდება)
- ჩუტყვავილას წინააღმდეგ
- გრიპის წინააღმდეგ
მშობლებს შეუძლიათ თავად აირჩიონ, რომელი ვაქცინებით სურთ ბავშვის აცრა — ადგილობრივი თუ იმპორტული. არსებობს აზრი, რომ იმპორტულ ვაქცინებზე ნაკლები რეაქციაა (ტემპერატურის მომატება, ალერგია), მაგრამ ადგილობრივი ვაქცინებითაც წარმატებით იცრება უამრავი ბავშვი.
არსებობს ვაქცინაციის ჩატარების მთელი რიგი უკუჩვენებები, ამიტომ გადაწყვეტილება იმის შესახებ, შეიძლება თუ არა მისი დაწყება, ექიმმა უნდა მიიღოს. თუ უკუჩვენებები არ არსებობს, ექიმმა წინასწარ უნდა დანიშნოს სისხლისა და შარდის საერთო ანალიზები, ხოლო აცრის დღეს ყურადღებით დაათვალიეროს პატარა და აუცილებლად გამოკითხოს მშობლებს ბავშვის მდგომარეობის შესახებ ბოლო რამდენიმე დღის განმავლობაში.
რას უნდა მიაქციონ მშობლებმა ყურადღება? აცრის წინ ბავშვის ქცევაში ნებისმიერ ცვლილებას. თუ ბავშვს მკვეთრად და აშკარა მიზეზის გარეშე შეეცვალა ძილის რეჟიმი, განავლის ხასიათი, შეუმცირდა მადა, უფრო კაპრიზული გახდა, ტემპერატურა მოემატა — ეს ყველაფერი უნდა შეატყობინოთ თქვენს პედიატრს, რათა მან საფუძვლიანად დაათვალიეროს ბავშვი და, შესაძლოა, გადადოს აცრა, ან დაგამშვიდოთ და აცრის ჩატარების ნება მოგცეთ.
