დედის ბუნებრივი ზრუნვით ჩვილზე, მას, უნებლიეთ, შეუძლია მამა ოჯახის პერიფერიაზე გადაიყვანოს. მაშინ ჩნდება მამის ეჭვიანობა ბავშვის მიმართ — კონკურენცია დედის ყურადღებისთვის. ასეთი სიტუაციის თავიდან ასაცილებლად, წყვილმა თავი უნდა აარიდოს დაპირისპირებას და გადავიდეს ურთიერთქმედებაზე, რაც გულისხმობს თანამშრომლობას ახალშობილის მოვლასა და აღზრდაში.
თუ მამა ჩვილის სიცოცხლის პირველივე საათებიდან ან დღეებიდან მონაწილეობს მის მოვლასა და აღზრდაში, უფრო ადვილად ჩნდება მიჯაჭვულობა, ურთიერთგაგება და მყარდება მგრძნობიარე, ახლო ურთიერთობები.
რაც უფრო მეტად არის მამა ჩართული დედისა და ბავშვის ცხოვრებაში, მით უფრო თავდაჯერებულად გრძნობს თავს პატარასთან, აცნობიერებს საკუთარ ჩართულობას ოჯახში, თავის ღირებულებასა და მნიშვნელობას.
ზოგჯერ დედისთვის საჭიროა თავისი შიშებისა და ეჭვების გადალახვა, მეტად ენდოს მამას და ჩართოს ის ჩვილის მოვლაში.
ოჯახში მესამე წევრის გამოჩენასთან ერთად, მნიშვნელოვანია წყვილის საერთო სივრცის შენარჩუნება — საერთო ინტერესებით, გრძნობებით, აზრებით, ოცნებებითა და მოგონებებით, რომლებსაც პარტნიორები იზიარებენ.
გამონახეთ დრო, რომ რამე გააკეთოთ მხოლოდ ორნი — და არ აქვს მნიშვნელობა, ეს კაფეში წასვლა იქნება, კინოში თუ გამოფენაზე; დაე, ეს დრო სულიერი საუბრისთვის იყოს დათმობილი.
