პირველი დღე პატარასთან ერთად სახლში

ნუ შეუდგებით ზღურბლიდანვე საოჯახო საქმეებს

მშობიარობის შემდგომი ემოციური აღმაფრენისას შეიძლება მოგეჩვენოთ, რომ ყველაფერს მარტივად გააკეთებთ, თუმცა ორგანიზმს პირველ რიგში დასვენება და აღდგენა სჭირდება.

ნუ მოაწყობთ ხმაურიან წვეულებას, თუ ეს არ გსურთ

ურჩიეთ მეგობრებსა და ახლობლებს სტუმრობა გადადონ, სანამ პატარა სულ მცირე ერთი თვის არ გახდება. ეს დრო დაუთმეთ საკუთარ თავს და ოჯახს.

გაანაწილეთ საქმეები

ნუ მოგერიდებათ ახლობლებს კონკრეტული მითითებები მისცეთ. მათ შეუძლიათ:

• მოამზადონ ვახშამი;
• ამოალაგონ სამშობიაროდან მოტანილი ჩანთები;
• ჩართონ სარეცხი მანქანა;
• გაშალონ ბავშვის საწოლი.

დაისვენეთ პატარასთან ერთად

თუ პატარას სახლში მიმავალ გზაზე ჩაეძინა, ფრთხილად გადაიყვანეთ ავტომობილის სავარძლით წყნარ ოთახში და სთხოვეთ ახლობელს მას მიხედოს. ამ დროს თქვენ შეძლებთ შხაპის მიღებას და მშვიდად ჭამას.

მოირგეთ ყოველდღიური ცხოვრება თქვენზე

ახლა სახლში ყველაფერი ისე უნდა იყოს მოწყობილი, როგორც თქვენთვისაა მოსახერხებელი. მოიწყვეთ კომფორტული „ბუდე“, სადაც პატარასთან ერთად დიდ დროს გაატარებთ.

• ბალიშები და პლედები;
• თერმოსი გემრიელი ჩაით;
• სხვადასხვა წასახემსებელი;
• საფენები და სველი ხელსახოცები;
• წიგნები ან პლანშეტი.

კვებეთ პატარა პირველივე მოთხოვნისთანავე

ხშირად სამშობიაროდან სახლში დაბრუნება რძის მოსვლას ემთხვევა. ლაქტოსტაზის თავიდან ასაცილებლად, მიიყვანეთ პატარა მკერდთან ყოველ 1.5–2 საათში ერთხელ.

მოემზადეთ ძილისთვის წინასწარ

პირველი ღამე შეიძლება ემოციური და დამღლელი იყოს. იმისათვის, რომ სიბნელეში ნივთების ძებნა არ დაგჭირდეთ, მოამზადეთ ყველაფერი საღამოდანვე.

• გამოსაცვლელ მაგიდაზე მოათავსეთ: საფენები, სველი ხელსახოცები და სუფთა ტანსაცმელი პატარასთვის;
• საწოლთან ახლოს დადეთ: წყლის ბოთლი, ძუძუს თავების სამკურნალო კრემი, ხელსახოცები და საფენი.

გადაიღეთ ფოტოები

მრავალი თვისა და წლის შემდეგ, ამ სათუთ ფოტოებს რომ დაათვალიერებთ, თითქოს ხელახლა განიცდით პირველ დღეს სახლში დიდი ხნის ნანატრ პატარასთან ერთად.